يا اهل الغلط واهل الغوى والنجاسه
واهل التجارة في دماء كل مغبون
بعتو مبادئكم بسوق النخاسه
واصبح ضمير العالم اليوم مدفون
ضمير مستوحش معبا خساسه
يحركه ظالم وسافل ومفتون
ان كانت امريكا زعيم السياسة
لاتنتظر صحوة ضمير اي ملعون
محال يطهر كل حامل نجاسه
الا اذا صار اي انسان مجنون
الشر فيها حل واغرس غراسه
والسم في صافي العسل صار ماعون
مؤامرة ضد اليمن في مقاسه
والقتل والتنكيل واجب ومسنون
في شرعهم نايف عن الشر ساسه
صاغه علينا اليوم خاين ومافون
مدروس من سابق وبعد الدراسه
اتطبق افكاره على شعب مغبون
تقوده احلاف العرب والبخاسه
واضحى تحالفهم مع الغرب مقرون
والشعب ركب فوق حده حراسه
ورد ضد الاعتداء رد موزون
كم سافل اقبل فوق رتبه وداسه
وكم موقع اتنزل من الضرب معجون